index introductio imagines || partitura exemplar translatio

bibliographia e-mail

CTH 404.1.III

Exemplar --

Citatio: A. Mouton (ed.), hethiter.net/: CTH 404.1.III (Expl. --, 07.05.2012)

§ 1

1 -- [… šer arḫ]a waḫnuzi

2 -- apēl=wa lamnaš [EMEḪÁ k]āša attaš DUTU-uš tarmāit

3 -- [n=at=kan] INA ḪUR.SAGAmanakkipalu tarmāit

4 -- [n=aš=kan EME]ḪÁ ḫaššī anda peššiyazi

§ 2

5 -- [nu MUNUSŠU.GI SÍ]G GE6 UZUÌ.UDU=kan kuwapi anda [ḫūlalizi?]

6 -- […=ka]n? tiššaduwa dāi

7 -- n=at=kan M[UNUSŠU.GI ANA] EN SISKUR [wa]ḫnuzi

8 -- nu kiššan memai

9 -- […] …ḪÁ parkuwaēš ašandu

10 -- [… kāš]a? UDU BABBAR UDU GE6 aniyanun

11 -- [n=at=kan ḫaššī] anda dāi

§ 3

12 -- [nu MUNUSŠU.GI IM] DUGišnūran iēzzi

13 -- [nu=kan išnan t]epu anda dāi

14 -- kappani=ya=kan G[E6 anda šuḫḫāi]

15 -- [n]=at=kan MUNUSŠU.GI ANA EN SISKUR [šer arḫa waḫnuz]i

16 -- nu kiššan memai

17 -- [kāš=wa IM-aš maḫḫ]an wappuwai EGIR-pa UL [paizzi]

18 -- [kappani=ya=wa] ḫarkēšzi UL

19 -- [nu=war=at=za damai N]UMUN-an UL kišari

§ 4

20 -- [išnaš=ma=wa=kan kāš DINGIRM]EŠ-aš NINDAḫarši UL paizzi

21 -- [kēdani=ya=wa=kan ANA] EN SISKUR idāluš [EME-aš NÍ.TE QĀTAMM]A lē paizzi

§ 5

22 -- [nu MUNUSŠU.GI ḫarziyall]an dāi

23 -- [nu=(š)ši=kan SÍG ZA.GÌN SÍG SA5 and]a ḫūlalizzi

24 -- [n=an=kan ANA EN SISKUR šer ar]ḫa waḫnuzzi

25 -- [nu kiššan memai]

26 -- [karapd]u piddalliš [GÌR-aš idālun EME-an]

27 -- [nu=war]=an iškišaz [karapdu]

28 -- [ZU9=ya=war=at karapd]u idālu [KA×U]-iš [idālun EME-a]n

§ 6

29 -- [EG]IR-anda=ma=za UR.TUR d[āi]

30 -- [n=an=kan ANA EN SISKU]R šer arḫa waḫnuz[i]

31 -- [nu kiššan memai]

32 -- tarpalliš=wa NÍ.[TEMEŠ-aš ḫūmandāš]

33 -- [nu=(š)ši=kan] aīšši anda alla[paḫḫi]

34 -- [nu kiššan tezzi]

35 -- parā=wa=kan allapa[ḫten apel U4-aš ḫurtiyaš] EME-an

36 -- nu=kan UR.TUR [kunanzi]

37 -- [namma=an ḫariyanzi]

§ 7

38 -- nu=kan MUNUSŠU.GI AN[A EN SISKUR wātar šarā papparašzi]

39 -- n=an parkunuzi

40 -- i[šnan=a=(š)ši=kan šer arḫa waḫnuzi]

§ 8

41 -- EGIR-anda=ma=za IM-aš [išnūrin iyazzi]

42 -- n=ašta Ì-an anda [lāḫui]

43 -- [SÍG SA5=ya=kan] anda peššiyaz[i]

44 -- [karaš=kan anda šuḫḫ]āi?

45 -- n=at MUNUSŠU.GI AN[A EN SISKU]R [TÚGšeknuwaš] kattan ēpzi

46 -- nu kiššan [memai]

47 -- [kāša=wa Š]A DIŠTAR DUGišnūraš

48 -- nu=wa=(t)t[a āššui TI-anni] parā tarnan ḫardu

49 -- idāla[ue=ma=wa=(t)ta=kan u]ddanī QĀTAMMA mu[nnāidd]u

§ 9

50 -- EGIR-anda=ma=za 7 DUGḫupu[wai dāi]

51 -- [n=at=k]an GEŠTIN-it Ì SERTUM pittalwann[it LÀL šunnai]

52 -- [n]amma=kan GIŠPÈŠ GIŠGEŠTIN Ḫ[ÁD.DU.A] UZUSA MUN UZUÌ.UDU [anda dāi]

53 -- [EGIR-p]a MUNUSŠU.GI DUGḫūpuwāya ḫaššī anda [laḫ]uiškezzi

54 -- DUGḫupūwāya=ma duwarniškezzi

55 -- [duwa]rnittaru=war=at DUGḫupūwaya [KA×U-it] EME-it

56 -- nu maḫḫan DUGḫupūwāya [duwa]rniškezzi

57 -- 6 NINDA.SIGMEŠ=ya paršiyannai

58 -- [n=aš=kan] ḫaššī anda peššiškezzi

§ 10

59 -- [nu UDU ūnniy]anzi

60 -- n=an=zan nakkuššin [ḫalziššai]

61 -- [nu=za] MUNUSŠU.GI 1 NINDA.GUR4.RA KU7 1 DUGKUKUB GEŠTIN=ya [dāi]

62 -- [nu UD]U DUTU-i ḫinikzi

63 -- nu MUNUSŠU.GI [kiššan m]emai

64 -- DUTU-i kāša=wa=(t)ta [nakkušš]iš KA×U-it EME-it

65 -- nu=kan UDU [šipanti]

66 -- [NINDA.G]UR4.RA=ya paršiyazi

67 -- UDU=ma=kan UL [kunanzi]

68 -- n=an=zan MUNUSŠU.GI=pat dāi

§ 11

69 -- […] EGIR-anda 7 GAGḪÁ ZABAR dāi

70 -- [NINDA.GUR4.RA KU7] tarnaš=(š)a 1 GA.KIN.AK 1 DUGKUKUB GEŠTIN=ya [dāi]

71 -- [nu] NINDA.GUR4.RA GA.KIN.AK=ya DUTU-i paršiya

72 -- GEŠTIN=ya šipanti

§ 12

73 -- [namma 7 GAGḪÁ Z]ABAR dāi

74 -- nu daganzipan tarmāizzi

75 -- nu kiššan memai

76 -- [tarman=war]=at ēšdu iššit EME-it DUTU-i [katta]n

§ 13

77 -- […] MUNUSŠU.GI namma NINDA.GUR4.RA KU7 tar-na-aš [GA.KIN.AK GAL GIR4] GEŠTIN=ya dāi

78 -- nu ANA EN SISKUR [parā ēpz]i

79 -- nu=(š)šan EN SISKUR QATAM dāi

80 -- [nu MUNUSŠU.GI] NINDA.GUR4.RA KU7 GA.KIN.AK=ya DUTU-i [paršiya]

81 -- [GEŠTIN=y]a šipanti

82 -- nu kiššan [tezzi]

83 -- [šarlā]nza=war=aš DUTU-uš KA×U-i EM[E-i] EGIR-an

§ 14

84 -- [nu paḫḫur ZAG-az G]ÙB-laz=(zi)ya warnuanzi

85 -- [nu=kan ištarna 7 NA]4ḫuwaši išgaranzi

86 -- [nu MUNUSŠU.GI NINDA.GUR4.R]A KU7 tarnaš GAL GEŠTIN=ya ANA [EN SISKUR parā] ēpzi

87 -- nu=(š)šan [QATA]M dāi

88 -- [… MUNUSŠU.G]I 1 NINDA.GUR4.RA [paršiya]

89 -- [G]EŠTIN=ya šipa[nti]

90 -- [nu kiššan memai]

§ 15

91 -- [kui]š=war=at uet[ešket nu=war]=at tānita

92 -- k[inun=a=war=at=kan kā]ša [lag]āri

93 -- nu=wa=kan ANA [EN SISKUR apēdani] U4-ti kuit [KA×U-a]z EME-az uit

94 -- [nu=wa=kan apē INIM]MEŠ QĀTAMMA lāgāru

§ 16

95 -- [nu=kan E]N SISKUR NA4ḫuwaši G[ÌRḪÁ-az šuizzi]

96 -- [n=aš=kan p]aḫḫur ištarna pai[zzi]

97 -- [nu TÚGNÍG.LÀ]MMEŠ [kue waššan ḫarzi]

98 -- n=[at=za arḫa pe]ššiyazi

§ 17'

99 -- [nu MUNUSŠU.GI DUTU-aš uelk]u dāi

100 -- [n=at=za tiwariya ḫalz]iššanzi

101 -- [nu EN SISKUR tuekkuš w]arši

102 -- nu kiššan memai

103 -- [katta=wa=(t)ta=kan waršan ēštu] idālu uddār KA×U-aš EME-aš

§ 18'

104 -- [nu MUNUSŠU.GI wātar GA]L-az našma ḫūpparaz [dāi]

105 -- [n=at ANA] EN SISKUR parā ēpzi

106 -- [NA4nitri=ya=kan a]nda išḫūwānzi

107 -- [nu=za=kan EN SISKUR wātar] ANA SAG.DU=ŠU šarā [lāḫui]

108 -- [ŠU]ḪÁ-uš=(š)a=kan IGIḪÁ-wa ārri

§ 19'

109 -- [namma=kan] ANA SI.GU4 anda lāḫui

110 -- [n=at EN SISKUR š]er šīēzzi

111 -- nu kiššan [memai]

112 -- [kuwapi=wa] karūiliuš LUGALMEŠ [EGIR-pa uwanz]i

113 -- nu=wa=za KUR-e-aš šaklain [EGIR-an kappuw]ānzi

114 -- ki=ya=wa NA4KIŠIB [apiyakku] niniktaru

§ 20'

115 -- [DUB.1.KAM SISKUR-a]š? EN EME maḫḫan iēzzi

116 -- [… …-i]a kuin antuḫšan […] … -aš=(š)a QĀTAMMA iēzzi

117 -- […] QATI

§ 21'

118 -- [DUB.1.KAM AWAT fM]aštigga MUNUS URUKizzuwatna

119 -- [mān=ašt]a ABU DUMU-RU=ya ḫallūwānzi

120 -- [naššu=m]a ŠEŠ NIN=ZU ḫallūwānzi

121 -- [naššu=m]a LÚMUTU DAM=ZU=ya ḫallūwānzi